Bi hilabete Hernanin egin eta gero igandean itzuliko dira Saharako Errefuxiatu kanpamenduetara herrian egon diren bost neska-mutilak: Mohamed Salem, Fatma, Zeinahu, Mahfuda eta Fatimetu. Joan aurretik, gaur, 11:30etan, agurra egingo diete Udaleko Pleno aretoan.
Festa, eskerrak emateko
Joan den ostiralean 5 neska-mutilek agur festa antolatu zuten Tilosetan, harrera guraso, begirale eta Udalaren laguntzarekin. Festa Hernaniri eskerrak eman eta eskaintzeko helburuarekin antolatu zuten. Haima, tea, henna, txokolatada eta Banda Westerm Sahararen kontzertua antolatu zuten. Asko izan ziren Tilosetara gerturatu zirenak: bertako herritarrak, errefuxiatu kanpamenduetan bizitu zirenak, Sahararekin lotura berezia dutenak...