«Portun aurreneko aldiz izango gara, eta zaldi gazteak eramango ditugu, debuterako»

zaldi demak modan dau­dela esan liteke azken aldian. Auzo gutxi dira, fes­tetako egitarauan, halako ikuskizunen bat sartzen ez dutenak. Portu zen ho­rietako bat, eta aurten ani­matu dira, inguruko fes­tetan izaten duten harrera ona ikusita. Deman ariko diren biak, Hernaniko Imanol Paolla eta Urnietako Azkonobieta, aski eza­gunak dira mundu hau jarraitzen dutenentzat. Normalean el­ka­rren kontra egiten dute dema. Imanol Paollak dioen moduan, «mundu hau gustatzen zaigu bioi, eta dematara elkarrekin joaten gara, hori bai, normalean elkarren kontra aritzen gara. Es­pek­takulua ematea dugu hel­bu­ru biok, eta horretara ate­ratzen gara». Akzioan ikusi nahi dituzte­nek aukera ederra izango du etzi, igandean, Portun.

Zaldi berriak, plaza berrirako
Portuko festetan parrandan askotan ibiliak badira ere, dema­ra­ko, plaza berria izango da Por­tu bientzat. Eta ez da nobedade bakarra izango. Imanol Paollak Kronikari adierazi dionez, eramango dituzten zaldiak ez dira betikoak izango: «zaldi gazteak eramango ditugu; gu nahiko zaharrak bagara dagoeneko, eta jendea honezkero nazkatua izango da zaldi zaharrak ikusteaz» dio, barre artean.

20 urte, zaldi demekin
Azken urteetako afizioa badirudi ere, Imanol Paollak urteak daramatza honetan: «batzuei bizikletan ibiltzea gustatzen zaie, eta neri, zaldiak orokorrean, eta de­mak, partikularrean. Disfru­ta­tu egiten dut, eta orain dema gehiago ikusten ba­dira ere, aspalditik nabil ni honetan, orain 20 urte ingurutik». Udaberri eta uda partea izaten da dematarako garai aproposa, herri eta au­zoetako festak hasten diren garai preziatu hori. Hasiera hartan, urtean 5 dema ingurutarako kon­tratatzen zuten Paolla, orain, lau aldiz gehiago: «fest­ak iristear daudenean nabaritzen has­ten da mu­gimendua. Uda­berri eta udara aldera ja­sotzen dugu Jai Batzordeen deia, eta gu beti prest. Honetan hasi nintzenean, orain 20 urte inguru, urtean 5 dema inguru izaten ge­nituen; azken urte hauetan 20 egitera iritsi izan gara. Egia esan, harrera ona dugu». Neguan ere, jarraitzen dute demekin, baina ez ikuskizun gisa. Bizkaian, Promozioetan hartzen dute parte eta federatu egiten dira horretarako: «Ezin geldirik egon, eta Promo­zio­etara joaten gara neguan, Biz­kaia aldera. Kontrola eta maila haundia izaten da bertan, eta saiatzen gara dugun onena ematen».