Amabirjin egunarekin bat, festa ederra antolatu dute gaur Santiomendi auzoan. Egun osoko festa izango da eta berezitasun bezala, segalarien arteko lehia antolatu dute. Bi bikote izango dira aurrez aurre: Suharri Irazustabarrena-Julen Gabirondo eta Mikel Garaialde-Mikel Zumeta. Hori arratsaldeko 17:30etatik aurrera izango da.
Aurretik, berriz, urtero saltsa jartzen duten ekintzak izango dira: Sagardo Txapelketa Santiomendiko baserrien artekoa, Patata Tortila Lehiaketa, zaldi dema, auzo bazkaria, toka, Xapre eta Furriela... Errematatzeko afaria izango da, txiste kontalari eta guzti.
EGITARAUA
09:00, Diana.
09:00, Baserriz baserri, oilasko biltzaileen kalejira.
11:30, Sagardo Txapelketa Santiomendiko baserrien artean, txorixo pintxoez lagunduta.
Horrez gain, bertakoen Patata Tortila Lehiaketa.
12:00, Zaldi dema.
14:00, Auzo bazkaria.
17:30, Segalariak.
19:00, Toka Txapelketa
21:00, Afaria.
Ondoren, Txiste kontalaria.
Egun osoan, Xapre eta Furriela.