Festa gogoa nabari da Goizuetako kaleetan eta ofizialki hasi aurretik, umeek izango dute disfrutatzen hasteko aukera. Haurren Eguna antolatu dute gaur, eta goizetik iluntzera bitartean eguna ekitaldiz josi dute. Aurorek girotuko dituzte eguneko aurreneko orduak, Umore Ona koruko kideekin. Ondoren, Irumaita txarangak jarriko du martxa. 11:00etan meza izango da eta tradizioari jarraituz, bertako jantziekin joango dira txikienak, meza entzutera. Pelota eskolako gaztetxoek erakustaldia emateko aukera izango dute ondoren. Eta eguerdian, herriko txiki eta gaztetxoak elkartuko dira, ikastolan, bazkaltzera. Arratsaldea ere ekitaldiz gainezka hasiko da. Lasturren eskutik, xexenak zirikatu eta ponien gainean ibiltzeko aukera izango dute. Sabela betetzeko aukera ere izango da arratsaldean, 18:00etan antolatu duten berenduarekin. Jaiak espuma festarekin jarraituko du, iluntzera bitartean. Eta eguna bukatzeko, hasi bezala, musika: Aierri taldeak girotuko ditu eguneko azken orduak.
Festak, 14tik 18ra
Amabirjin bezperan, asteazkenean hasiko dira festak ofizialki, Goizuetan. Gazteen Eguna izango da aurrenekoa, eta 11:30etan hasiko dute festa, udaletxe aurrean ikurriñari omenaldia eginez. Festa lehertuko duen txupinazoa 12:00etan botako dute, eta handik aurrera izango dira trikitilari eta erraldoiak, poteoa, bazkaria, peñen irteera, txaranga, musika... denetatik, egunaz disfrutatzeko. Bazkarira joan nahi duenak txartelak salgai ditu Amaian, 12-15 euroan, eta 948 51 42 42 telefonoan ere lortu litezke.
Osteguna, Amabirjin eguna, pelota partiduek, bertsolariek eta afari herrikoiak markatuko du. Bakailao lehiaketa eta Umore Ona dantza taldearen emanaldi berezia izango dira ostiraleko protagonista. Sagardo probaketa antolatu dute larunbat eguerdian eta kontzertuak, gauean. Eta festak agurtzeko, Peña eta Ezkonduen eguna izango da igandean.
AUTOBUSAK
Abuztuaren 12-13-14 eta 16an:
09:00-15:00 Goiz-Her
12:00-19:00 Her-Goiz
Abuztuaren 14 eta 16an, errefortzua:
19:15 Her-Goiz
Abuztuaren 15-17 eta 18an:
09:00 Goiz-Her
10:00 Her-Goiz
Abuztuaren 17an
16:00 Goiz-Her
17:00 Her-Goiz
EGITARAUA
Abuztuak 11, igandea Umeen eguna
08:00, Aurorok Umore Ona koruaren eskutik.
09:30, `Irumaita´ txaranga.
11:00, Meza; haurrak bertako jantziekin joango dira.
12:30, Pelota eskolako gaztetxoen pelota partiduak.
14:00, Haurrentzako bazkaria ikastolan.
17:00, `Lastur´en eskutik xexenak eta poniak.
18:00, Haurrentzako berendua.
18:30, Espuma festa. Ondoren, Dantzaldia `Aierrik´ taldearekin.
Abuztuak 14, asteazkena Gazte Eguna eta Amabirjin bezpera
11:30, Ikurriñari omenaldia udaletxe aurrean.
12:00, Txupinazoa. Segidan, Trikitilariak, erraldoiak eta buruhaundiak. Brindisa Herrira txoznan.
13:00, Gazte poteoa.
14:30, Gazte bazkaria.
18:00, Karroza express.
19:30, Umore-Ona peñaren irteera ikastolatik.
20:00, Gazte txupinazoa, kalejira.
00:00, Dantzaldia Gabezin taldearekin. Ondoren, Txaranga.
00:00, DJ Oattolo Gaztetxean.
Abuztuak 15, osteguna Amabirjin Eguna
07:00, Tolosako dultzaineroak.
08:00, Entzierroa Lasturgo zezenekin.
10:30, Meza Nagusia eta ohiko prozesioa.
12:30, Pilota partiduak:
- Gaztetxoen artean.
- Lujanbio-Etxegoien/Urkizu-Alberdi.
12:30, Erraldoiak eta buruhaundiak.
18:00, Zezenak Lasturren eskutik.
19:30, Bertsolariak gai librean: Maialen Lujanbio EHko txapelduna, Amets Arzallus
EH txapeldunordea eta Xabier Silveira Nafarroako txapelduna.
22:00, Afari herrikoia elkartean.
01:00, Kalejira.
22:00-02:00, Dantzaldia Itzartu taldearekin.
Abuztuak 16, ostirala
11:00, Erraldoiak eta buruhaundiak.
12:00, Bakailao Lehiaketaren hasiera.
13:00, Lehiaketako epaimahaiaren emaitza.
13:30, Txaranga ikastolako tabernatik.
16:00, X. Mus Txapelketa Ixkibin.
18:30, Umore-Ona dantza taldearaen emanaldia (eskolako frontoian).
00:00, Dantzaldia Laiotzekin.
Ondoren, Txaranga.
00:00, Kontzertuak Gaztetxean: Gibelurdiñek eta Emon.
Abuztuak 17, larunbata Sagardo Eguna
11:00-14:00, Haurrentzako puzgarriak eskolan.
11:30, Toka Txapelketa heldu eta haurrentzat.
12:00, Sagardo probaketa plazan, Nafarroako eta Gipuzkoako sagardogile onenen parte hartzearekin.
16:00-18:00, Haurrentzako puzgarriak eskolan.
18:00, Zezenak Lasturren eskutik.
19:30, Afizionatuen pilota partidua: Errandonea-Olaizola/Mitxelena-Martinez.
ASPE eta ASEGARCEkoen artekoa: Apezetxea-Olaizola I/Olazabal-Peñagarikano.
00:00, Dantzaldia Laiotz taldearekin.
Ondoren, Txaranga.
00:00, DJ Bull Gaztetxean.
Abuztuak 18, igandea Peñen eta Ezkonduen Eguna
08:00, Entzierroa Lasturgo zezenekin.
12:30, Peñaren irteera Ikastolako tabernatik.
13:00, Pilota partiduak, Goizueta-Arano.
15:00, Umore-Ona peñaren bazkaria.
17:00, Peñaren kalejira txarangarekin.
Ondoren, Zezenak Lasturren eskutik.
Ondoren, Dantzaldia Gabezin taldearekin.
00:00, Festa bukaerako ekitaldia txarangarekin, udaletxe aurrean.
Ondoren, Dantzaldia Gabezin taldearekin.
Ondoren, Txaranga.