Javier Urrizak garaipenarekin hasi zuen atzo Banakako Txapelketako tituluaren defentsa. Espero bezala, egungo txapeldunak 30-18 irabazi zion Gorka Urtasuni. Bere kolpea eta konstantzia nagusitu ziren. Buruz burukoetan ohikoa ez bada ere, sakeak ez zuen eraginik izan. Urrizak bi tanto bakarrik lortu zituen sakez eta Urtasunek bat ere ez.
Urtasunek aukera,
13-11ra hurbiltzean
Urrizak bazekien aurreneko partidua irabazteak bere garrantzia duela eta serio atera zen jokora. Ez zuen askorik arriskatu eta batez ere bere kolpea eta defentsa nagusitzen ahalegindu zen. Eta hala izan zen. Urtasun saiatzen zen, baina ez zuen lortzen peloteoan aurre hartzea. Egungo txapelduna 9-2 aurreratu zen eta emozio gutxiko partidua izango zela zirudie
n. Baina Urtasunek eutsi egin zion eta 13-11ra gerturatzea lortu zuen. Urrizak ordea, bere jokoa nagusitu zuen berriz eta 19-11ra eraman zuen markagailua. Handik aurrera aldea asko haunditu zen, 30-18ra arte.
Lider A taldean
Urrizak pauso garrantzitsua eman du finalerdietara sailkatzeko. A taldeko liderra da. Urtasunek, berriz, Ezkurrari irabazi beharra dauka txapelketan jarraitzeko.