Peru Alfaro izan zen aurrenekoa helmugaratzen Txingudiko Trabesian, larunbatean. Hernaniarrak 00:30:56ko denbora behar izan zuen. Bigarren postuan ere beste hernaniar bat geratu zen: Luis Goñi. Alfarok baino 7 segundo gehiago behar izan zituen.
Getaria-Zarautz trabesiarekin uztailean hasi zen Gipuzkoako Distantzia Luzeko Liga eta bi proba jokatuta, Alfaro eta Goñi aurreneko postuetan dira 199,81 punturekin eta 199,62 punturekin. Goñi hirugarren geratu zen Getaria-Zarautzen eta Alfaro laugarren. Beste hainbat hernaniarrek ere hartu dute parte bi trabesietan.