Beroa eta festa giroa eskutik helduta atzo, Santa Barbaran

herri kirolek jartzen du­te saltsa Santa Barbarako ton­torrean, eta atzo ere, jende­tza inguratu zen txinga, aizkora, korrika... modalitate di­­ferenteetako probez goza­tzera. Ez zen saririk, beraz, lehia sanoa izan zen atzokoa. Hala ere, irabazi nahi hori hor egoten da beti, eta atzokoan ere dena eman zuten par­tehar­tzai­leek. Zor­tzi la­gun aritu zi­ren, bi taldetan ba­­natuta: txingetan eta aizkoran onenak, txuriz jan­tzi­ta­ko Ba­rrenetxea eta Larra izan ziren; lokotxak biltzen, Ariz­mendi gazteak izan zi­ren azkarrenak; eta bukatzeko, motozerrarekin La­rra­b­i­dek erakutsi zuen trebezia ge­­hien, zutikako enborrari 12 korte azkar-azkar emanda. Beroa izan zen hizpide atzo Santa Barbaran, eta itzala be­zaian preziatuak izan zi­ren, ez­tarria bustitzeko tragoak. Men­diluze, Marti­kore­na eta Iu­rramendi aritu ziren ber­tsotan, eta Iñaki eta Gari trikiti eta pan­deroarekin. Baz­kaltzera 70 lagun inguru elkartu ziren. Eta arratsaldean urteroko toka txa­pelke­tak jarri zuen giroa. Umeek ere izan zuten festaz goza­tze­ko aukera. Festa eguna dan­tzan agurtu zuten, guztiek.