Egun haundia izango da bihar Santa Barbara gainean, San Inazio eguna ospatuko baitute bertan, Hernaniko eta inguruetako jendeak. Goizeko lanak trikitixa eta bertsolariek egingo dituzte, eta eguerdian, 12:00etan, meza izango da tontorreko ermitan. Herri kiroletan zein baino zein ariko dira Hernaniko bi koadrila, 8 lagun inguru: aizkoran, lokotxetan, motozerrarekin... Festarik haundiena hor izaten da, baina bertan gero eta jende gehiago geratzen da, eta haiek ere bazkariak, toka, jolasak eta dantzaldia izango dituzte. Bazkari txartelak salgai daude 25 euroan, Aralar eta Kitton, gaur iluntzera arte.
EGITARAUA
10:00 Trikitilariak
11:30 Bertsolariak
12:00 Meza ermitan
13:00 HERRI KIROLAK: Aizkora, lokotxak, korrika eta motozerra.
14:00 Herri bazkaria: marmitakoa, txuleta... txartelak: Aralar, Kitto (25 €)
16:30 Lagunarteko Toka Txapelketa
16:30 Haur joko eta txokolatada
17:30 Erromeria
19:00 Herrira jaitsiera