Elias Querejeta zinegile hernaniarra omenduko dute gaur, Donostian

Omenaldia jasoko du gaur Donostian Elias Querejeta zinegile hernaniarrak. Euskadiko Filmategiak, Donostiako Zinemaldiak eta SADEk omenduko dute, Donostia Kulturaren kolaborazioarekin. Omenaldia Principe zineman izango da, arratsaldeko 20:00etan, eta bertan izango da Querejetaren alaba, Gracia Querejeta. Euskadiko Filmategiak jakinarazi duenez, Querejetaren bi pelikula jarriko dituzte, 7garren aretoan: Antxon Ezeizarekin batera egin zuen A través del futbol laburmetraia; eta El último viaje de Robert Rylands luzemetraia. Elias Querejeta Madrilen hil zen joan den ekainaren 9an.