Errepikatzeko gogoz itzuli dira Udaleku Ibiltarietako neska-mutilak

talde polita osatu dute aurten ere, Udaleku Ibilta­rietan egon diren 24 neska-mutilek eta bost begiraleek. Dobera Euskara Elkarteak antolatu ditu, beste urtebetez, euskera oinarri hartuta, Euskal He­rriko txoko ezberdinak oinez ezagutzeko asmoarekin. Bortzirietan barrena ibili dira Ainitze Rodriguez, Ane Iradi, Aritz Lujanbio, Mikel Olabide eta Alazne Urdan­garin begiraleekin bat­era. Arantza, Igantzi, Lesaka, Bera eta Zugarra­murdi bisitatu dituzte; eta tartean, esperien­tziaz disfrutatzeko jolas eta ekintza ugari izan dituzte: erreka eta igerilekuetara irteerak, zikin eguna, beldur gaua, piraguismoa, espeleologia... Espe­rientzia ederra izan da guztientzat. Ostiralean iritsi ziren Her­nanira, eta datorren udararen zain dira asko, errepikatzeko gogoz.