astebetean Euskal Herria zeharkatuko du Abiadura Haundiko Trenaren kontra egiten ari diren bizikleta martxak. Uztailaren 25ean atera ziren Altsasutik eta Donostian dute helmuga, abuztuaren 1ean.
Obrak ikustea,
helburuetako bat
Abiadura Haundiko Trena martxan jartzeko egiten ari diren obrak eta proiektuak ikusiko dituzte ibilbidean zehar. Euskal Herriko hainbat eskualde eta herri ari dira zeharkatzen, eta Hernanira bihar iritsiko dira.
Zarautzen bukatuko dute aurreko eguneko etapa, eta Hernanira, Añorgatik barrena etorriko dira. Plaza Berrira goizeko 11:15etan dira iristekoak. Berehala Osiñagarako bidea hartuko dute eta bertan AHTren obrak ikustera geratuko dira, «Urumea bailaran AHTa egiten ari den kaltea ikusiko dugu». Ondoren, Hernani atzean utzi, eta martxak Astigarragarako bidea hartuko du.