Alain Agirre irabazle eta bost hernaniar azpitxapeldun, atzoko finaletan

buruntzaldeako txapelketako lau final jokatu ziren atzo Kiroldegian, eta Hernanik, ordezkaritza izan zuen guztietan. Ez zuten egunik onena izan ordea, eta Alain Agirre izan zen txapela jantzi zuen bakarra. Infantil mailan irabazi zuen Alain Agirrek, 18-11, beste hernaniar baten kontra: Ioritz Berasarte. Partidua nahiko berdindua joan zen, baina Agirre nagusi izan zen batez ere, azken tantoetan. Kadete eta senior mailako partiduak azkar joan ziren. Arrue eta Aizpuru andoaindarrak faborito ziren Pagola eta Rodrigez hernaniarren kontra, eta hala erakutsi zuten aurreneko momentutik. Emaitza, 18-5. Senio­rretan Real Sociedadeko Odriozola eta Errazkinek era­man zuten partiduko pi­sua. Esnaolak, atzelari her­na­niarrak, ez zuen egunik one­­na izan; eta Urkizu aurrelariak partiduan sartzeko au­ke­ra gutxi izan zuen. Partidu azkarra izan zen, 18-2, Realeko bikotearen alde. Eta jubeniletan, Altuna anaiek gogor borrokatu zuten azken momentura arte, baina Azpiroz eta Abu­ruza nagusi izan ziren atzokoan, 18-13 irabazita.