Goizeko aurreneko ordutik zabalduko da arkumea erretzen ari direnaren usaina Aranon. Joan den urteko arrakasta eta gero, bigarren urtez antolatu dute. 14:00etan elkartuko dira aranoarrak eta ingurutik animatutakoak, arkumea jatera. Bazkariko produktu guztiak gainera, autoktonoak izango dira, Aranoko baserritarrek ekoiztuak. Arratsaldean Sebastian Lizaso, Iker Zubeldia, Julio Soto eta Aitor Mendiluzek jarriko dute festa, 19:00etan. Eta eguna bukatzeko, beste estilo batekoa, baina musika baita ere, Elepuntu DJarekin.
Bihar bukatuko dira Santioak Aranon, umeak protagonista izango diren egunarekin: pelota partiduak, dantzariak, puzgarriak, ume jolasak eta Arno ganadutegiko azienda... Izango dute zerekin gozatu!
GAUR
14:00 Arkume jatea
Bazkalondoren Kantu saioa fanfarrearekin
19:00 Bertsolariak: Sebastian Lizaso, Iker Zubeldia, Julio Soto eta Aitor Mendiluze.
Afalostean Dantzaldia Elepunto DJarekin
BIHAR - Umeen eguna
10:00 Meza
10:30 Umeen partidua
Segidan Arano eta Goizuetako dantzariak
15:30 Puzgarriak eta ume jolasak
19:00 Arno ganadutegiko azienda umeentzat.