Podiuma hiru hernaniarrentzat: Burugain, Miner eta Arrozpide

Punteria faltarik ez dute Hernaniko bolariek, azken aldian lortutako sariei erreperatu besterik ez dago. Errenterian izan berri dira, Madalena jaietan; noski, bola tiraldira joanak. Ikusmira haundia sortu zen, Plaza bera egokitzen baitute, bolatoki gisa. Bigarren urtea da Madalenetako Saria jokatzen dela, eta Hernaniko bo­lariek kalloa hartuta diote nonbait, bolatoki inprobisatuari.

40 bolarik hartu zuten parte, inguruko tiraldiekin alderatuz, sari onentsuenak bertakoak izaten baitira. Eta hiru onenak, hernaniarrak izan ziren: Po­diumean lehenengo, Migel Burugain; bigarren, Antonio Miner; eta hirugarren, Migel Arrozpide.

Uda festaz festa, tiraldiz tiraldi pasatzeko asmoz dira Hernaniko bolariak, eta ahal bada, txapel edo sariren bat gehiago irabazteko gogoz. Lortzeko, astero entrenatzen jarraituko dute.