Kutxa Sariko Prebiako beste partidu batetaz disfrutatzeko aukera izango dute gaur, Galarretara gerturatzen diren pelotazaleek. Goi mailako bi aurrelarik neurtuko dituzte indarrak: Etxeberria IVak eta Urtasunek. Sakea izango da partiduko klabea; eta partidu hasieran tokatzen zaionak, erdi lanak eginak izango ditu. Urtasunek bikain hasi zuen Txapelketa eta Etxeberria IVak asko hobetu du, azkeneko partiduetan. Gaur 30 puntuetara aurrena iristen denak, pausu haundia emango du Kutxa Saria jokatzeko bidean. Txapelketako partidua arratsaldeko 16:00etan hasiko den jaialdiko azkena izango da. Aurretik, hirugarren partiduan, Barrenetxea IVak jokatuko du, Ezkurrarekin batera, Juaristi eta Etxeberria IIIaren kontra. Beste bi partiduak, hauek: Ezkurra II-Saldias/Segurola-Zubiri eta Urriza-Agirrezabala/Matxin III-San Miguel.
Endikak Juaristi du zain
Matxin VIari 20-30 irabazi eta Kutxa Prebia Sariko azken txanpara pasa da Endika. Faborito garbia zen astearteko partiduan, eta hala eraktusi zuen, aurreneko tantuetatik. Orain beste haundi bat du zain, hurrengo kanporaketa jokatzeko: Juaristi.