Jamie Cullum, Elvis Costello eta Diana Krall, aurtengo izarrak

gipuzkoarrek zita in­portantea dute gaurtik uztailaren 28ra, Donostian: Ja­zzal­dia. Ur­te­ko musika jaialdirik inportanteenetakoak, Heineken Ja­zzaldiak, bederatzi eszenatoki izango ditu aurten, jazza edo musika zuzenean entzutea gustuko duten guztien gozamenerako. Eta kontzertu horietako asko, debalde izango dira.

Kanpoko eta bertako musikariak, tartean, izar haundiak
Jamie Cullum, Elvis Costello eta Diana Krall-en kontzertuek emango diote aurtengo Jazzaldiari sona. Baina ez dira izar bakarrak izango: Praroah Sanders, Hiromi, Buika, Belle&Sebastian, Jorge Prado, Dave Douglas, Gregory Porter eta beste hainbat musikari ospetsu ere, Donostian izango baitira aurten.
Gaur hasiko da Jazzaldia, eta lehenengo egunetik, jazz munduan ospe haundia duen Jamie Cullumen emanaldia en­tzuteko aukera izango  da, 21:30etan, Zu­rriolan;  gainera, kontzertua debalde izango da. Eta ez da debalde entzuteko aukera izango den izar bakarra izango. Ostegunean, Elvis Costelloren kontzertuaz ere ordaindu gabe disfruta­tzeko aukera izango da, eszenatoki berean.    

Zortzi kontzertu, gaur
Jamie Cullumen kontzertua eta beste zazpi antolatu di­tuzte aurreneko egun honetarako; guztiak, debalde. Zurriolan baita ere, ondoren, Shibusa Shirazu Orchestrak joko du. Frigo gunean, Gregory Porter entzuteko aukera izango da 20:00etan; eta Robert Glasper Ex­periment 23:00etan. Heine­ken terrazan ere, bi kontzertu antolatu dituzte: 20:00­etan, Gabacho Maroco­nnection eta 23:00etan Trio Reiseger, Fraanje eta Sylla. Azkenik, Coca Cola gunean Igelaren Bandak joko du 20:00etan hasita; eta Ola Kvernberg Trio taldeak, 23:00etatik aurrera.