Buruz Buruko Kutxa Saria abuztuan hasiko da, eta han onenekin jokatu ahal izateko postu bat dago jokoan. Postu horren bila ari dira uztailean, erremonteko promesak, eta Urtasunek beste pausu bat eman du asteburuan, Agirrezabalari aixa irabazita, 30-15. Kutxa Sariko prebia deitzen zaio orain jokatzen ari diren faseari, eta ari da bukaerara iristen. Urtasunek, atzo irabazita, ostegunean berriz jokatu beharko du, eta oraingo honetan ez du nolanahiko aurkaria izango: Etxeberria IVa alegia. Etxeberria IVa da gazteen artean joko puntu honentsuenean dagoena.
Kutxa Sariko prebian, beste adarretik datozenek bihar jokatuko dute Galarretan: Matxin VIak eta Endikak, alegia.
San Miguel eta Juanenea, elkar ondo hartuta
Larunbatean ikusmina zegoen estelarrean zer gertatuko, San Miguel eta Juanenea gazteak elkarrekin lehenengoz jokatzen baitzuten. Primeran hartu zuten elkar, eta 40-35 irabazio zioten Etxeberria IVa eta Ioni.