Urumea ikastolako gurasoak gustora daude, patioaren arazoa konpondu delako, eta alde guztien artean akordio batera iritsi direlako. Hernaniko Kronikari jakinarazi diotenez, bi eskaera nagusiak lortu dituzte: batetik, patioa umeek erabili ahal izatea 08:00etatik 15:00etara; bestetik, irteerako ranpa bat egitea Sandiusterri kalera. «15:00etatik aurrera, gure patioa parkin bihurtuko da. Beraz, arratsaldeko 16:30etan umeak gelatik ateratzean nora atera behar zuten? Parkin batera? Udalak agindu digu ranpa bat egingo digula, Sandiusterri kale aldera ateratzeko».
Guraso Elkarteak esker oneko hitzak izan ditu alde guztientzat, eta baita Lizeagako Auzo Elkartearentzat eta baita Berriak merkatari eta ostalarien elkartearentzat.
Eraikin berriaren zai
Urumea ikastola zai dago, Eusko Jaurlaritzak eraikin berria noiz egingo, Elkanotik ateratzeko. Berez, eraikin berriak 2014ko ekainean bukatua behar du, baina lanak hasi gabe daude.