Datorren larunbat eta igandean jai giroan izango dira Lizeagako auzotarrak, Madalena jaiak ospatuko baitituzte. Larunbat arratsaldean hasi eta igandean egun guztiko festa izango dute. Nobedadeen artean ditugu sagardo-kata, eta balkoi lehiaketa.
Balkoi lehiaketa, asteburu guztian
Auzoa dotore-dotore izateko asmoarekin, balkoi lehiaketa antolatu dute aurten, eta asteburu guztian balkoia dotoreena duenari saria emango diote.
Jana eta edana ez dira faltako Lizeagan. Larunbatean sagardo-kata eta sagardo probaketa dituzte. Koadrilen afaria ere ostiralean da (bakoitzak berea eraman behar du). Igandeko bazkari-txartelak salgai daude, ostegun arte, 10 euroan, Aitan-Etxe, Pacheco eta Lizeagan.
Uztailak 20, larunbata
18:03 Txupinazoa.
18:35 Tortilla txapelketan parte hartzeko azken ordua. Edozein tortila eraman liteke, eta 10 lehenengoek saria dute.
18:45 Sagardo kata.
19:12 Sagardo probaketa: Itxasburu, Larre-Gain, Elutxeta, Elorrabi, Alberro eta Iparragirre.
21:30 Koadrilen afaria.
22:30 Musika.
Uztailak 21, igandea
10:04 Txokolatada, umeentzako jolasak eta mozorro-lehiaketa.
12:06 Buruhaundiak eta Bosko Anitz txaranga.
12:57 Herri poteoa Bosko Anitz txarangarekin.
14:30 Herri bazkaria.
16:00 Toka eta bote txapelketak eta ondoren sari-banaketak.
17:00 Modesto Ordoki: Gizon Orkesta.
20:30 Jai bukaera.