Giro eta zapore goxoekin bukatu dituzte Karmenak aurten ere

Euri tantek amenazua jo zu­ten arren, apenas inor ikaratu zen atzo Hernaniko Kax­koan, eta giro ederrean joan zen eguna, zapore oraindik ederragoekin bukatu zena, sardina jatea baitzuten errematerako, urteroko gisara.

Alkate berria indarrean
Eguerdian izan zen txupinazoa eta omenaldia, eta hortxe bizitu zituzten momentu hunkigarrienak. Maria Dolores Amo­na­rraizek jaso zuen Al­ka­te ma­kila, Juani Lukasen eskutik. «Ondo zaindu ezazu he­rria e! Zergarik ez igo behin­tzat!» esan zion Lukasek, umor­e ederrean. Amonarraiz­ek, 1926an jaioa izanagatik sasoian dagoela erakutsi zuen «gora Her­nani!» oihukatuz. Joanjo Uriak, aurkezpen lanak beste behin bikain egin zituenak, hala kantatu zion bertsotan: «zuk pen­tsatu guztia ondo joango dela, alkatetzan eroso egon zaitezkela, etxeko eskailerak igotzen bezela».

Maite Iradiren omenaldian hunkituta egon zen jendea, batez ere, Regina, bere ama oroitu zutenean. Tomas Gar­men­diak kantatu zuen Regi­na­ren omenezko bertsoa, Uriak egina. Iradik gogoan izan zituen bere aurrekoak, eta Karmen jaien bultzatzaileak.

Sardina jatearekin bukatu zen eguna, baina aurrez, saribanaketa izan zen. Txa­pel­dunak: eskoban, Ixiar eta Ina; musean, Oxan eta Maria Lui­sa; tokan, Joxe Mari Aldasoro (hirugarren urtez); igelean, Xa­tur Fernandez; botean, Amaia Ubide; tortilarik onena, Maitere Ollorena; eta balkoirik ederrenaren saria, Rosa Aranbururentzat.