‘Andrekale’, hernaniarren memorian iraun duen izena

zergatik deitzen zaion Andre kalia edo Andrekale ez da erraza jakiten, baina hernaniarren memorian iraun egin du izen horrek, urte asko eta askotan. 1927tik Karda­beraz dei­tzen diogu kale ho­rri, baina izen gehiago ere izan zituen: Uru­mea ka­lea, esaterako, urte gehienetan ofizialki erabili den izena. He­rritarrek, ordea, Andrekale esan izan diote, eta horren adi­bidea da 1896tik 1902ra ofizialki Andre kalia jarri zi­tzaiola, euskeraz, eta Calle Uru­mea, erderaz. An­dre kalia jar­tzeko arrazoia ere aipatu zuten orduan «as­paldi-aspaldiko ohituraz hala esaten zaiolako kale horri». Berdintasun Kontseiluak Her­­na­ni­ko kale izendegia az­tertu du, eta on­dorioetako bat da, emakume jakin baten izenik ez dela azaltzen. Horre­ga­tik, besteak beste, eskatu dio Uda­­lari, An­drekale izena be­rreskuratzeko. Udala gaia aztertzen ari da.