Festa giro usaina nabari da Kaxkoan. Egun haundia dute asteartean, Karmen Eguna eta dena ondo lotuta dute, jaia behar bezala ospatzeko. Eguna hildako bizilagunak gogoratuz hasiko dute, 09:00etan, Agustinetan egingo duten mezarekin. Ondoren, Dianak esnatuko du Kaxkoa.
Alkate berria eta omendua, protagonistak
Alkate berria izango da Kaxkoan uztailaren 16tik aurrera. Ohorea Maria Dolores Amonarraizek izango du aurten. Txupinazoaren ondoren hartuko du kargua ematen dion makila, eta ondoren urtebete izango du, orain arte bezala, Kaxkoaren alde lanean aritzeko. Eguneko beste omendua ere, ezagun askia da Kaxkoan: Maite Iradi. Jubilatu egin da aurten, 50 urtetan Kale Nagusiko Iradi drogerian erremedioak eskaintzen aritu eta gero. Omenaldiak bukatuta, trikitixak girotuko du Kaxkoa, bazkalordura bitartean. 14:00etan, Plaza Berrin elkartuko dira bazkaltzera, eta arratsalderako indarrak hartzera.
Jokoek markatuko dituzte arratsaldeko aurreneko orduak. 16:30etan hasita, kartetan ariko dira Kardaberazen, eta igel, toka eta botean, Kale Nagusian. Umeentzako jokoak ere izango dira: puzgarriak Plaza Berrin eta txokolatada, meriendatzeko.
Iluntzean, balkoi ederrenari emango diote saria; eta baita arratsaldeko jokoetako irabazleei ere. Eguna sardina janez bukatuko dute, beste urtebetez.
EGITARAUA
09:00 Meza Agustinetan hildakoen omenez
09:30 Diana
12:00 Txupinazoa
Alkate eta omenduari omenaldia.
Balkoi lehiaketa
Trikitixa Kaxkoan zehar
14:00 Bazkari herrikoia
16:30 Karta jokoa Kardaberazen
16:30 Toka, igela eta bote jokoa Kale Nagusian
17:00-19:00 Puzgarriak Plaza Berrin
18:00 Txokolatada Plaza Berrin
20:00 Sari Banaketak
20:00-22:00 Sardin jatea
22:30 Bukaerako txupinazoa