Eskola kontuetaz ahaztu eta udan murgilduta dira Ereñotzuko neska-mutilak. Beste urtebetez, Udaleku Irekiak antolatu ditu Ereñotzuko Auzo Udalak, eta aurten 29 ume ari dira, egunez egun, euskeraz, elkarrekin disfrutatzen. Hilabete hasieran hasi ziren Udaleku Irekiak Ereñotzun eta uztailaren 26ra arte luzatuko dira.
Elkarrekin edo adinaren arabera, taldeetan banatuta
Umeak 2 eta 12 urte bitartekoak dira. Hainbat jolas elkarrekin egiten dituzte eta beste batzuetan, adinaren arabera banatzen dituzte, momentuko ekintzetara egokitzeko; guztira, hiru taldetan banatzen dituzte.
Jolasak eta ondo pasatzeko ekintzak izan ohi dira egunero, udaleku hauetako ardatza. Ereñotzuk dituen paraje bikainetaz baliatzen dira, txikienek ingurumenarekin gozatu dezaten: ibai eta erreka bazterrak, mendiak...
Piraguismo ikastaroa,
ostiraletan
Bada ekintza bat, hilabete osoan, ostiralero errepikatzen dena. 6 eta 12 urte bitarteko gazteak elkartzen dira, piraguismo ikastaroa jasotzeko.