Pelota partidurik ez da faltako gaur Hernaniko kiroldegian, Buruntzaldea Torneoko zortzi partidu jokatuko baitira bertan, eta denak azken fasekoak. Torneo honetan ari diren pelotariak bi zonaldetakoak dira, Buruntzaldea eta Donostialdekoak.
Gaur goizean bi partidu jokatuko dituzte, 11:00etatik aurrera, kadeteetan: Cisneros-Urruzola / Loiarte-Ruiz; eta Pagola-Rodriguez / Leonet anaiak. Arratsaldean, sei partidu, 15:00etatik aurrera. Infantiletan buruz buru: Unai Blanco-Oier Ezeiza; Eñaut Gorostidi-Axel Larrañaga; Aimar Gorrotxategi-Ibai Laburu; Ekaitz Elorza-Ibai Ezeiza; eta Iñigo Arrozpide-Josu Mazizior. Jubeniletan, binaka: Olarra-Otaño / Imaz-Irisarri.
55 pelotari Hernaniko gaztetxoenen txapelketan
Hernaniko eskolak badu etorkizuna inondik inora. Jokatu berri da Hernaniko elkarteko torneoa, eta benjamin, alebin eta infantiletan 55 kidek parte hartu zuten. San Joanetan jokatu ziren 7 finalak, eta hauexek dira emaitzak, sekulako giroarekin jokatu ziren finaletakoak. Benjaminetan: Unax Uitzik 16-12 irabazi Anartz Oiartzabali. Alebinetan: Ander Leizak 16-12 irabazi Unax Pagolari. Benjamin bigarren urtekoetan, bikoteka: Errazkin/Arluziaga/Garaiar txapeldun, Oliver-Ortegari 16-6 irabazita. Benjamin aurreneko urtekoetan, binaka: Etxarri-Uitzi txapeldun, Mitxelena-Oiartzabali 16-13 irabazita. Alebin bigarren urtekoetan, binaka: Ruiz anaiek 16-13 irabazi, Urbistondo-Leiza IIari. Alebin aurreneko urtekoetan, binaka: Lasa-Leizak 16-13 irabazi Garmendia-Garmendiari. Eta azkenik, infantiletan, binaka: Blanco-Arizmendik 16-12 irabazi, Gorrotxategi-Zugastiri.
Arrietak ezin, Elite Torneoan
Euskadiko Elite Torneoan Ioritz Arrietak 22-14 galdu zuen finala, Landaburu lagun zuela, eta Urbieta IIa eta Galarzaren kontra. Torneo honetan afizionatu mailako 16 onenek parte hartu dute