Llopisek eta Etxabek launa domina

Launa domina lortu dituzte bi hernaniarrek Badajozen, joan den asteburuan. Garoa Etxabe Sanz eta Iñigo Llopis Sanz ezinhobeto ibili dira beraien probatan, eta aurre-aurreko puntan bukatu dute txapelketa. Igeriketa Egoki­tuan ari­tzen dira bi hernaniarrok, infantil mailan, eta joan den asteburuan jokatu dira eskolarte mailako probak, Badajo­zen. CSD elkarteak antolatzen ditu proba hauek (Consejo Superior de Deportes). Urtero jokatzen da txapelketa hau garai berdinean, eta aurtendik aurrera, Hernanin badituzte bi izen, kontuan hartu beharrekoak: Garoa eta Iñigo.