Iñaki Lizaso doneztebarrak agur esango dio erremonteari, 20 urte baino gehiagoan goi-goi mailan ibili eta gero. Ezkurrari buruz buru irabazterik bazegoela erakutsi zuen atzelari haundi honek, erremonteari urte ahaztezinak eskaini dizkio, eta beti egongo da zaleen memorian atzelaririk abilenetakoen artean; nekez jasoko ditu beste atzelari batek Lizasok adina errebote eta pelota zail. San Fermin Torneoaren aurkezpenean eman zuen albistea, eta hunkituta besarkatu zituen bere pelotakideak; batez ere Koteto Ezkurra bere aurkari eta lagun haundia. Hain zuzen, Urriza lagun duela Ezkurra eta Etxeberria IIIaren kontra jokatuko du Lizasok, uztailaren 7an, Huarteko Euskal Jai frontoian.
Jaialdia gaur Galarretan
Galarretan Matxin IIIa eta Etxeberria IVa ariko dira gaur, Kutxa Sariko Prebian. Jaialdia 16:00etan hasiko da, eta lau partidu dira; prebiakoa, azkena.