hernaniko Udalak asfalto lanak egingo ditu herriko hainbat puntutan, gaurtik aurrera. Hamabi kaleri baino gehiagori eragingo die, eta kale bakoitzean puntu bat baino gehiagotan ariko dira. Hernaniko Udaleko Zerbitzu sailak barkamenak eskatu ditu aldez aurretik, sortu litezkeen eragozpenengatik. Konponketa lanak puntu hauetan egingo dituzte: Arrobi jatetxerako igoeran; Larramendi kaletik Gay Mur ikastolako eskilarak igo aurretik; Elkano kalean Atetxikietako parean; Atzieta kale hasieran, eta Txili taberna parean; Florida kale hasieran eta Gabriel Celaya eraikinaren parean; Mañe y Flaquerren; Sagastialdeko rekta osoan; Etxeberri auzorako sarreran; Landare Toki elkartearen paretsuan; Zubiondo poligonoan; Karabelen zubi zaharra baino lehen; eta Zikuñagan erreka bazterreko bidean, bide-beltza esaten zaionean.