Bizkarra bero-bero eginda joan ziren atzo asko, etxera!

Axeri Dantzako kideek gogotik astindu zituzten maskuriak atzo, San Joanetako bigarren Axeri Dantzan. Ohi bezala, Bandako kideek jarri zuten musika eta maskuriek zarata. Plazan hasi, eta Kaxkoan barrena ibili ziren herritarren bizkarrak astintzen. Geldiuneak ere izan zituzten, Axeriak herritarrak dantzatzera atera zitzan. Axeri Dantzak gaur eta bihar izango du jarraipena. Ordu berean aterako dira, goizeko 09:00etan, Plazatik.