Punta puntako lau bertsolari, Plazako taulagainean

gutxi izango dira bertso­la­ritza gustatu eta gaurko hitzordura huts egingo du­tenak. Elur Txorik urtero antolatzen du bertso jaial­dia Plazan, eta eguraldiak laguntzen duenean, bete-bete egiten da. Gaur gai­nera, Euskal Herriko bi txa­peldun eta etorkizun haundiko beste bi bertsolari izango dira, duten onena emateko prest: Andoni Egaña, Maia­len Lujanbio, Agin Rezola eta Unai Mu­ñoa. Saioa arra­tsaldeko 19:30etan hasiko da, eta gai jartzaile lanean Gorka Tolosa ariko da.

Herri kirolak, baserritarrentzat
Baserritarrentzako ekital­die­taz ere Elur Txori ar­du­ratu da. Beste ur­tebetez, In­txarburu herna­nia­rraren eta Telleria lasartearraren idi pareak ariko dira, De­man, 11:30etan, Plazan. Fes­tak Tilosetan izango du jarrai­pena, 12:30etan. Aitzol Atutxa II eta Joseba Otaegi ariko dira, zein baino zein, aizkoran. Tartean, harri j­aso­tzen, erakustaldia eman­go du Iñaki Perurenak.