2013ko San Joanak gogotik bizitzen ari dira Goiz Eguzkiko kideak. Festen hasiera ekitaldiko protagonistak izan dira aurten. 40 urte bete ditu elkarteak eta egindako lanaren esker onez, txupinazoa bota dute.
Ekainaren 26a berezietan bereziena
Egunez egun bizi dituzte festak, baina urtero, badute bat, berezia izaten dena: ekainaren 26a. Urte osoan ikasitako gimnasia mugimenduekin erakustaldia egiten dute bazkideek; gaurkoa, goizeko 10:00etan izango da, elkartean bertan.
Ondoren, Toka, Igel, Bote eta Dardo txapelketa jokatuko dituzte. Eta bukatzean, onenentzat, sariak banatuko dituzte.
Goiza bukatzeko, luntx eder baten bueltan elkartuko dira bazkide guztiak, Goiz Eguzkiko egoitzan bertan.
Bandera, igo
Festak hasi bezala, bukatu ere, Goiz Eguzkiko kideen eskutik bukatuko dira. Bandera bihar jaitsiko dute, gauerdiko 00:00etan.
Festetako egun haundia dute gaur, erakustaldi, txapelketa eta luntxarekin
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!