Garai bateko eta oraingo merkatariak kalean ibiliko dira

Merkataritza da aurten San Joan Konpartsak hartu duen gaia. Ekainaren 27an urteroko ibilbidea egingo dute: Gudarien plazatik ha­si, Andre kaletik pasaz Zinkoeneara iritsi eta kale Nagusitik barrena berriz ere Gudarien plazan bukatzen da, hemen azken antzerkia eginez. Hernaniri eta bere historiari lotutako gaiak hartzen dituztela diote Jonek eta Pepik, eta hel­burua Hernaniko historia errekuperatzea eta ezagu­tzera ematea dela.

Herriko denda txikiei, bultzada
Aurtengo gaiarekin bul­tzada bat eman nahi izan omen diote herriko denda txikiari. `Herria bizirik nahi badugu, komertzio txikia bizirik behar dugu´ dio Pepik, eta jarraitzen du `ho­rretarako, herritarrok denda txikietara joan behar dugu erosketak egitera, beraiek baitira aurrera begira lagunduko digutenak, bai kultura egiten, baita beste gauza askotan ere´.
Antzerki gutxiago eta dantza gehiago ikusi ahal izango omen du herritarrak aurtengoan. Ttarla dantza taldeko lagunak ibiliko dira Konpartsarekin, zankoen gainean ibiliko omen dira kaleetan zehar beste ba­tzuk… Konpartsakoak guz­tira berrogeita hamabi bat izango omen dira dan­tzariak, eta desfilean hogei bat. Karrozak berriz, Her­nanin garai batean ezaguna zen Ordoñez farmaziaren itxurarekin hartuko du oraingoan. Gaur egun Kix­kal taberna dagoen lekuan zegoen farmazia hau, eta orduko pertsonak ere agertuko dira desfilean. Garai desberdinetako mer­ka­tariak ikusi ahal izango dira kalean.

Herriko denden zerrenda
San Joanetan aterako duten liburuxkan 1931tik aurrera Hernanin egon diren den­den izenak aterako dituzte. Jon Oñate bera ibili da lan hori osatzen, eta ez omen da batere erraza izan Her­naniko merkataritzaren ze­rrenda osoak lortzea. Be­rriak elkartearen eta Luis Mari Aristorenaren la­guntza izan du gaur egungo eta lehenagoko beste zerrenda batzuk osatzen. `Posible da zerrendetan akatsen bat egotea, eta aldez aurretik barkamenak eskatzen di­tugu´ gehitu du bukaeran..


Cuevas farmazia eta Portalondo estankoa
Aipamen berezia egiten zaie Cuevas farmaziari eta Portalondo estankoari Kon­partsako liburuxkan. Lehe­nengoak ehun eta sei urte egiten ditu aurten, eta bigarrenak, berriz, lauro­geita hamabost. Ez dute zer izango den garbi esan, baina hilaren 27an, Konpar­tsak kale buelta egin on­doren, antzerkian omenal­diren bat egingo dio.
Urte hauetan guztietan lagundu dieten guztiei eskerrak emanez bukatu dugu elkarrizket