Agur, eta ongi etorri!

Manolo Sagarna, Zipri Otxandorena eta Roberto Pacheco izan ziren atzo protagonista, Arkupetan, Musika Bandaren kontzertuan. Zipri Otxandorenak atzo eman zion zuzendari batuta Roberto Pachecori, eta egun berezi horretara gonbidatu zuten aurretik 20 urtetik gora zuzendari izan zen Manolo Sagarna ere. Musika Bandak oroigarria eman zion Otxandorenari, bederatzi urteotan egindako lana eskertu asmoz. Hiru zuzendariek zuzendu zituzten kanta bat edo beste, eta kontzertu bukaeran ondo merezitako txalo-zaparrada eskaini zieten entzuleek.