Paiadoreak, verseadoreak eta bertsolariak, gaur Biterin

Hernaniko eta munduko bertsolariak Hernanin izan­go dira gaur, AMHER elkar­teak antolatuta. Bapateko lau artista ariko dira jen­dearen gozamenerako: Jose Curbelo paiadorea, Uru­guay­koa; Marta Suint paiadorea, Argentinakoa; Yeray Ro­dri­guez-Quintana verseadorea, Kana­rie­ta­koa; eta Maialen Lujanbio bertsolaria, Herna­nin aur­kez­pen haundirik behar ez duena.

Musika eta guzti
Bat bateko bertsoak en­tzun­go dira gaur, momen­tuan inprobisatuak. Bai paia­do­reek eta bai versea­do­reek mu­sika eta guzti abestuko dute, laud eta gitarrarekin.
Marta Suint lehen ere izana da Euskal Herrian, eta besteek ere ezagutzen dute he­mengo bertsolaritza. Gaur, hangoa ezagutzeko aukera izango dute herna­nia­rrek.  

Itzulpenak, momentuan
Bat batean kantatu, eta bat batean itzuli egingo dute gaur Biterin. Felix Etxeberria hernaniarrak egingo ditu itzulpen lanak.
Aurkezpenak beste her­na­niar batek egingo ditu, Idoia Noblek, hain zuzen. 18:00etatik aurrera, Biterin.