Euskal Herriko dantzari abilenetakoak ikusteko aukera izango da gaur Plazan (eguraldi txarrarekin, Sandiusterrin). Urtero bezala, Dantza Sueltoko Txapelketa antolatu du Hernaniko Kriskitiña dantza taldeak, Udalarekin. 12 herritako bikoteak izango dira: Santurtzi, Portugalete, Leioa, Barakaldo, Azpeitia, Billabona, Lezo, Alegia, Amasa, Zizurkil, Oiartzun eta Lazkaotik etorriak. Arratsaldeko 18:00etan hasiko da txapelketa.
Txistulari Bandako kideek jarriko dute musika eta epaimahaia osatuko dute Gipuzkoako Dantzarien Biltzarreko kideek.
Bikote txapeldunak egurrezko bi taila jasoko ditu, Gotzon Huegun artista hernaniarrak eginak.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!