Egunez eta gauez, estilo askotako musika emanaldi eta saioak aukeran

Festak musikarekin lotzen dituzte askok, eta ez da harritzekoa. Zeinek imagi­na­tu ditzake San Joanak mu­sika fondorik gabe? Goi­zez, eguerdian, arratsal­dean, gauean, ordu txiki­tan... ia 24 orduz izaten da musika emanaldi edo saio­ren bat Hernanin.

Diana, herria esnatzen
Eguna goizean goiz hasi edo bukatzen dutenentzat Dia­na ateratzen da lau egu­netan, San Joan egunean hasita. Aurreneko ema­naldia izaten da, goizeko 07:00ak aldera.

Banden urteko zita, San Joanetan
Musika eta Txistulari Ban­da­rentzat, San Joan egune­ko kontzertua urteko zita izaten da. Lehendabizi Txis­­­tu­lari Bandaren ema­naldia izaten da, Plazan 12:00etan; eta ondoren, Mu­sika Bandarena, 13:15­etan. Aurten gainera, Musika Bandaren kontzertua des­pe­dida kontzertua izango da Zipri Otxan­dore­na­ren­tzat. Bederatzi urte eta gero, testigua pasako dio Roberto Pachecori, zuzendari be­rriari. Biak ariko dira bihar zuzendari lanetan, eta ez bakarrik. Manolo Sagarna zuzendari ohia ere, bertan izango da. Hori bihar, baina gaur ere, Musika Bandak badu hitzordua. Ohi bezala, iluntzeko 20:30etan aterako dira, herrian barrena, San Joan martxaren doinuak zabaltzera.

Bertsolariak, estilo askotan
San Joanak bertsorik gabe, ez lirateke San Joanak. Aurten bertsolaritzaren fa­zeta bat baino gehiago ikusi eta entzun ahal izango dira, antolatu dituzten ekital­die­tan. Hasteko, San Joan erron­dan aterako dira gaur Ohitura Zaharrak abes­ba­tzako kideak; 17:15etan ge­ratu dira, kale buelta egi­teko. Saio bereziak gus­tuko dituztenek aldiz, bihar dute zita. AMHERek anto­latuta, bertsolari eta troba­doreak ariko dira, elkarre­kin, eta elkar zirikatuz; es­pekta­kulua 18:00etan, Bite­rin. Eta bukatzeko, bertsolaritza mo­­du tradizionalean bizi nahi dutenek, Plazako tau­lagainean izango dituzte punta puntako lau ber­tsolari: Maialen Lujanbio, Andoni Egaña, Unai Muñoa eta Agin Rezola. Gai jar­tzaile lanetan, Gorka Tolosa. Guztia asteaz­ke­nean, ekai­nak 26, Plazan, 19:30­etan.

Kontzertuak Urbieta kaleko eszenatokian
Kantuz eta Ozenki abes­batzek irekiko dute, kon­tzer­tu zikloa, Urbieta kalean. Gaur eskainiko dute, arra­tsaldeko 18:30etan. Bihar, iluntzeko 20:00etan, Kultu­raren arteko musika ema­naldia antolatu du AMHER­rek. Koadrila egunean, San Joanetako tradizioa bihurtu den Fermin Valenciak abes­tuko du, 20:00etan baita ere. Eta Urbieta kaleko esze­natokiko azken kontzertua Ai ene taldeak emango du, asteazkenean, 22:00etan; San Joan Konpartsak an­tolatuta.

Txarangak, gora eta behera
Txarangak izan ohi dira fes­tetan kaleak girotzeaz ar­du­ratzen direnak. Gauerdia pa­sata, 01:00ak aldera aterako da festetako aurrenekoa, Uru­mea txaranga. Koadrila egu­nean, Betiola-Elizatxo txa­ran­gak jarriko du martxa, goi­zeko 11:00etan. Eta arra­tsal­deko 19:00etan Betikoak txaranga aterako da kaleak girotzera. Ez da eguneko az­kena izango: Incansables txa­ranga 00:00etan aterako da. Asteazkenean Santa Barbara txarangak girotuko ditu ka­leak, goizean; eta gauer­dian, Nekaezinak txaranga aterako da. Festetako azken egunean ere, izango dira txaranga hotsak: 11:00etan Beti ega­rria­k ibiliko da kaleak giro­tzen; eta festak ixten, Incansables txaranga, urtero­ko legez.

Iluntzetik goizaldera musika, Tilosetan, Atsegindegin, Plaza Berrin...
Gaur, festetako aurreneko egunean, ohitura bihurtu den Gau elektronikoa an­tolatu dute Milagrosa pa­rean, Paket Flaten eskutik; 22:30etan hasita. Tilosetak edo txosna guneak ere musika erre­ferentzia izaten dira, San Joanetan. Molotoff Irra­tiaren txosnan, egunez egun, gaurtik ostegunera, hauek dira saioak: Gau beltza, Soul eta funky disko jartzaileak; Punk gaua, kontzertu sorpresa eta disko jartzaileak; Rock & Blues gaua eta kontzertu sorpresa; Duo do Porturen ema­naldia eta Tacumah Reggae banda; eta bu­ka­tzeko Irrati libre gaua. Bilgune Feministaren txos­nan, Karaokea antolatu dute bihar, 23:00etan. Eta ordu berean, asteazkenean, udako gaua, mozorro, mu­sika berezi eta sorpresekin. Egunero, olagarro eta tiro jolasa ere, izango dira. Tilosetako kioskoan, hiru dantzaldi izango dira aurten: gaur Trakets taldea; bihar Amboters, Rippes eta Temblores taldeak; eta etzi Gaubela taldea. San Joan egunean, Lisker taldeak kontzertu karroza es­kainiko du, 23:00etan, Pla­za Berrin. Eta 00:00etan, kalejira eta erromeria an­tolatu dituzte, dultzainero­ekin; Plaza Berrin bukatuko dute, Larrain Dantzarekin. Koadrila egunean, San Joan Konpartsak an­tolatuta Patxi eta konpainia taldeak kontzertua eskai­niko du; Urbieta kalean; 22:30etan. Eta gazte­txoenentzat, Gaz­tea irratiko Ohian Vegarekin Disko festa izango da 23:00etan, Atse­gindegin.