Pottokak, pailazoak, barrakak... San Joanetarako dozenaka plan

UME eta gazteak San Joanen parte izatea nahi dute an­tolatzaileek, eta aurten ere, ekitaldiak antolatu dituzte, egunero, beraiei bereziki zu­zenduak.
Gaur, festak eztanda egin aurretik, marrazten duten abilezia erakusteko aukera izango dute Urumeako Ma­rrazki Lehiaketan. 36ga­rren edizioa izango da eta Ti­losetan egingo dute, goize­ko 09:00etatik aurrera. Arra­tsaldean urte mor­doa di­tuen beste lehiaketa bat dute: Txantxangorrik anto­la­tzen duen karabina Ti­raldia. 45garren edizioa izan­go da aurtengoa, elkar­teko lorategian, 17:00etan.  

Gazteen Axeri Dantza, bihar
Ttarla Dantza taldeak anto­latuta, San Joanetan au­rrene­ko aldiz haur danbo­rrada antolatu dute. Bihar ariko dira maskuriak astin­tzen, goizeko 10:00etatik au­rrera, Kaxkoan gora eta behera. Ordubete lehenago, arrantza gogoko duten txikiek lehiaketa dute; 23ga­­rren edizioa izango da, Txantxangorrik antolatuta.
Santa Barbara eta Etxe­be­rri elkarteko txikienek ere, urtero izaten dute zita. Dan­bor hotsak eguerdiko 11:30­etatik aurrera zabal­duko dituzte, Kaxkoan ba­rrean.
Eta eguna bukatzeko ba­rre eta algararako tartea antolatu dute arratsaldean. Papo eta Pupa ikuskizuna es­kainiko dute Hipo eta Tomaxek, Atsegindegin.

Koadrila egunean, pottokak eta zezen txikiak
Haurrentzako parkea eta txutxu trena jarriko dituzte Atsegindegin 10:00etan ha­sita, Koadrila egunean. Eguer­­dian, erraldoi eta bu­ru­haundiak aterako dira, ingurukoen bizkarrak astin­tzera. Eta festak arratsal­dean izango du jarraipena. Barrerako gogoz direnen­tzat Kiko, Koko eta Moko egongo dira Atsegindegin, 16:30­etan, Katapun txispun fes­tarekin. Eta ordubete be­randuago, Latsunbeko kirol pistan, aurreneko pottoka eta zezen txikiak izango dira.

Baserriko jokoak, nobedade
Festetako azken aurreko egunean aurtengo San Joanetako beste nobedadee­tako bat: Baserriko jolasak. Kulki taldeak antolatuta, Atsegindegin izango dira, 11:00etan. Azken aurreko egunean ere, erraldoi eta buru­haundien txaranga aterako da, eguerdiko 12:0­0­etan. Eta arratsaldean, 17:00­etan, pottoka eta zezen txi­kiak toreatzeko aukera izango da Latsunben.

Bi ekitaldi, azken egunean
San Joanetako aurreneko egunean Urumeako lehia­ketan parte hartu zutenek zita dute azken egunean. Sari banaketa egingo baitute Biterin, goizeko 11:00etan. Eta festak agurtzeko, hau­rrentzako pottokak eta ze­zen txikiak izango dira ostegunean ere, 17:30etan, Latsunbeko kirol pistan.