Gosariak, afariak eta gehiago euskeraren alde, eta elkarlanean

Beti izaten da txosna be­rezia AEK Euskaltegiak Tilosetako ixkinan jartzen duena. Eus­keraren aldeko txosna eta pa­rranda plaza paregabea izateaz gain, afaritarako leku bihurtu da AEKko txosna, eta aurten, berrikuntza gisa, go­sariak ere emango dira. Do­bera Euskara El­kar­teak eta Her­naniko Kro­nikak goizeko 05:00etatik 10:00­etara ire­kiko dute txosna, eta AEK Eus­kaltegiak arratsalde­tik goi­zal­dera.

Egunero lau plater aukeran
Hernanialdeako AEKk ur­te­ro bezala edariak eskainiko ditu, eta baita afariak ere. Sutegi enpresa zarauztarrak prestatutako menuak eskai­niko dira egunero. Lau pla­ter izango dira aukeran: larunbat, as­te­le­hen eta asteaz­kenean: ma­karroiak, menestra, albon­digak eta karrilerak. Igan­de­an, asteartean eta oste­gu­nean: kaneloiak, pistoa, oi­lasko izterrak eta bakailaoa. Prezioak ere oso moduz eskaintzen dituzte. Lehe­nengo platerak 3,5 euro balio ditu, eta bigarrenak 4 euro. Mahaiak eta aulkiak ere badira. Aerorumba, Jenny Perlazaren eskutik Txosna inguruan tailerrak antolatu dituzte aurten. Bihar, astelehena, haurrek jolasteko txoko berezia ja­rriko dute, 18:00etatik 20:00­etara. Asteazkenean, ekai­nak 26, gau tropikala apro­betxatu, eta Jenny Perlaza euskaltegiko ikasleak Ae­ro­rumba tailerra egingo du. Zer da hori? Azaldu, ekai­naren 26an, eta parte hartu nahi duten guztiei aukera emango zaie. Aurten ez da mojitorik faltako AEKko txosnan.

Kamixetak salgai
AEKren mezua garbia da aurten ere: «anima zaitez eta San Joanetan ere eman euskara elkarri! Hernani Euskaldunberritu dezagun denon artean!» Kamixetak salduko dira, 5 euroan, mezu horrekin be­ra­rekin: Hernani Euskaldunberri.

Gosariak, Dobera eta Kronikaren eskutik
Dobera Euskara Elkarteak eta Hernaniko Kronikak aur­ten gosariak emango dizkiote jendeari. Goizeko 05:00etatik 10:00etara gosa­riak emango dituzte: gazi zein gozoak: txorixo egosia, patata tortila, Hernaniko sa­gardotegi gehienetako sa­gardoa, zerbeza eta abar... edo biz­ko­txoak, napo­li­tanak, tostadak, txokolate beroa, kafea, kafesnea... Hernaniko Kronikak mul­tikopista berria behar du, egunero Kronika in­pri­mitu ahal izateko. Dagoeneko 9,5 miloi kopia bota dituen makina horrek erreleboa behar du, eta 9.000 euroko kostua du. Txosnan ate­ra­tzen den dirua makina hori erosteko izango da.

Gaur, eguerdian ere jatena
San Joan bezpera da gaur, eta Doberak eta Kronikak eguerdi partean ere ireki egingo dute txosna, txu­pi­nazo garairako. Haragi egosia ere izango omen da gaur, eta herritar guztiak gonbidatu dituzte mokadu bat egitera.

Sukaldea herriko taldeekin konpartitzeko asmoa
AEK Euskaltegiak iaz ere konpartitu egin zuen su­kaldea, Hernaniko Berria taldearekin. Aurten Do­bera eta Kronikaren eskaerari baiezkoa eman dio, eta adierazi dutenez, datorren urteetan ere asmo horixe daukate. «AEKren ideia da, ahal dela, urtero sukaldea herriko beste talde ba­tzuekin partekatzea. Pro­po­samen gehiago ere ba­di­tugu: denbora bankua, lan­gabe talde bat...»