Gora Hernani, Gora San Joan jaiak

JAIA, alaitasuna, poza, ondo pasatzea eta parrandarako proposamenak dituzue hu­rren­go orrialdetan, 2013ko San Joan jaien egitarauan. Hernaniar guztiok aukerak baditugu bertan; bakoitzak berea topatzea da pro­po­satzen dizugun ariketa. Asteburuan indartsu hasi eta astegunetan lasaiago ja­rraitzeko egutegia dugu aur­tengoa. Ingurutatik etorri­ko den jendearekin batera ha­sie­ran, eta hernaniarron ar­tean, lasaiago disfrutatzeko pa­rada azken egunetan. De­na den, hernaniar guztiak ez gara herrian izango egun haue­tan eta gurekin ez dire­nak gogoratuz, oroituz eta nolabait jaien partaide egi­nez biziko ditugu jaiak. Aipamen berezia egin nahi genioke (aurten ere bai) Jai Ba­tzordeak egindako la­nari. Jai ere­duaren inguruko haus­nar­keta eta eztabaida prozesu bat egin genuen aurreko San Joa­nen ondoren: jaien hasie­ra, bukaera, omen­duak... eta bes­te hainbat ele­men­tu azter­tu eta aurteng­o­rako proposa­me­nak adostu genituen. Eta due­la gutxi, jaien antolake­tarekin bete-betean ari gine­nean, diru kontuak aztertu eta diruak nola banatu ezta­baidatu dugu; eta adostasuna lortu dugu. Baina aurreran­tzean gai hau aztertzen jarrai­tzeko konpro­mi­soa hartu dugu, bide bat egi­te­ko dagoela baloratu du­gul­ako. Egindako lanagatik eta azaldutako ar­du­ra eta konpro­misoagatik Jai Batzordea osa­tzen dugun el­karte, talde eta per­tsona guz­tiak zoriondu na­hi geni­tuzke. Elkarlanean bi­deak be­re emai­tzak eman ditu­e­lako eta ematen jarraitu­ko duelakoan baikaude. Azken gauza bat: bizi gure jaiak.