Bost egunetan sei sari, San Joanetako argazki onenei

Berrikuntzekin dator aurten San Joanetako argazki lehiaketa. Aurten sei sari izango dira: egunean bat, eta azkeneko egunean bi, umeentzako saria ere izango baita azken egunean. Sei urte egin ditu aurten Hernaniko Kro­nikak antolatzen duen argazki lehiaketak, eta gero eta jende gehiago da argazkiak bidaltzen dituena.

Eguneko argazki bat
Partehartzaile bakoitzak egunero hartu dezake parte, bai­na eguneko argazki bat bidali ahal izango da. Bihartik au­rre­ra bidali beharko dira ar­gazkiak, ekainaren 27ra arte. Lehenengo saria ekainaren 24an emango da, eta azkenekoa ekainaren 28an. Kronikak argazki horiek erabili ahal izango ditu, beti ere, egilearen izena aipatuta.

Argazki digitalak bakarrik onartuko dira, eta emailez bidali behar dira: kronika@kronika.net helbidera. Norbe­raren izen-abizenak jarri be­har dira, kontakturako email bat eta telefono bat, eta 14 ur­te­tik azpikoen kasuan, baita adina ere.

14 urte baino gutxiago di­tuz­tenek egunero bidali di­tza­kete argazkiak, eta bost egunetako onenen artean bat aukeratuko da ekainaren 28an.

Sari ederrak
Sari ederrak izango dira: Ada­rragako hojaldrea zortzi lagunentzat, Akelenean eguneko bi menu, Josune Quintanillak gorputzerako diamante tratamendua eta Kistiñek gosari konpletoa, Kixkalek ardo ederrak, Balantxak kafetera, eta igerileku irekietarako 4 sarrera.