Zozketatu dira 66 baratzak

Udalak, Kutxa Ekogunea­rekin elkarlanean, Antziola eta Sagastialden lurrak pres­tatu ditu baratzak egiteko. Lur horiek atzo zozketatu zituen izena emandako herri­tarren artean. www.hernani.net helbi­dean jarriko dute zerrenda ikusgai, bakoitzari dagokion partzelarekin. Denera, 66 par­tzela banatu ziren. 14 par­tzela jubilatuen taldean ba­na­tu ziren eta 16na, langabetu eta gazteen artean. Gaine­ra­koen artean, berriz, 20 partze­la. Jubilatuen­tzat ere 16 par­tzela zeuden zozketan, baina 14k bakarrik egin zuten eskaera. Gazteen artean, berriz, 16k emana zuten izena eta justu, partzela bana tokatu zaie. Eta langabetuen artean, 22k egina zuten eskae­ra, baina horien artetik 5, gaz­teen taldean ere sartzen zirenez eta partzela tokatu zaienez, azkenean 17 langabeturen arte­an egin zen zozketa. Bakarra geratu zen partzelarik gabe.  

Zozketa orokorrean 20 lur sail
Berez 18 partzela zozketatu behar ziren gainerako herri­ta­rren artean, baina jubila­tu­en partzeletatik bi sobran geratu zirenez, 20 partzela zozketatu zituen Udalak. 32 herritar itxaron zerrendan geratu dira.
Dena dela, zerrenda ez da behin betikoa oraindik, da­tuak konprobatu behar dituz­te, fa­mi­lia bakoitzak ezin bai­tu par­tzela bat baino gehiago izan.