Oso balorazio positiboa egin dute sindikatuek, grebaren gainean

Bi greba deialdi izan di­tuz­te aste honetan metal­gin­tza­ko langileek, lan hitzar­mena­ren alde eta lan erre­forma­ren aurka. Alde bate­tik, LAB, CCOO eta UGTk hiru eguneko greba deitu zuten (astelehen, asteazken eta ostirala). Bestetik, ELAk, bost eguneko deial­dia egin zuen. Atzo izan zen azken greba eguna, bi kasuetan, eta sindikatu guztiek oso balorazio posi­tiboa egin zuten. LABeko ordezkariak Kro­­nikari azaldu zionez, Buruntzaldean %65-70eko jarraipena izan du grebak, 3 egunetan. Eta salatu zuen: «Burun­tzal­deko metaleko langileek ka­le­ratzeen meha­txua eta bes­te hainbat presio eta xantaia jasan behar izan dituzte, greba eginez gero, enpresa paktua ez dela sina­tuko esanez». Herrial­de­ko hitzar­menaren garrantzia ere azpi­marratu zuen: «En­pre­sa guztiei era­giten die eta be­raz solidarioa da langile guz­tiekin eta enpresa paktu­ak hobetzen laguntzen dute, zoru minimo bat ezarriz». ELA ere pozik azaldu zen erantzunarekin eta azpi­marratu zuen 20 enpresek sinatu dutela hitzarmena, EAEn, erreforma baztertuta. Adegik, berriz, greba erabateko porrota izan dela azaldu zuen.