«Besteei desobedientzia exijitzen diete, baina beraiek obeditu egiten dute»

EAJ-PNV eta Hamaikabat alderdiek Bilduren jokaera kritikatu dute, «Espainiako bandera udaletxean jartzeko inposizioa dela eta. Bilduren hipokresia salatu nahi dugu, besteei desobedientzia exiji­tzen diete justuak ez diren erabakien aurrean, baina beraiek obeditu egiten dute pragmatismoa­ren izenean», azaldu dute. Azken Plenoan Bilduk aurkeztutako mozioaren hari­ra, honakoa gaineratu dute: «Ezker Abertzaleak bere kontzientzia garbitu nahi du mozioa aurkeztuz, ondoren Espainiako bandera jarriko baitu. Justifikatu beha­rra daukate, agerian gera­tu baita beraien aldarri­kapen faltsuak axalekoak direla». Martin Garitano Diputatu Nagusiaren esanak ere aipa­tu dituzte: «Orain gutxi esan zuen agintariek ez dituztela legeak bete behar lege horiek justuak ez direnean». Horrez gain, azaldu dute: «Espainiako bandera jartzea inposizioaren sinbolo izango da, hernaniarren gehiengoak ez baitu nahi, baina baita ere irudikatuko du Ezker Aber­tzaleak urtetan defenda­tutako demagogia».