Udaleko EH Bilduko egungo korporazioak eta aurreko legegintzaldietako alkate eta zinegotziek prentsaurrean hitz egin zuten atzo, Espainiako bandera udaletxean jartzeko Carlos Urquijok emandako aginduaren gainean.
Urquijok emandako agindua gogor salatu zuten, eta Ikurriñari omenaldia egiteko deialdia egin dute, bihar, larunbata, 20:00etan, Gudarien plazan. Balkoietan ikurrina jartzeko ere eskatu diete herritar guztiei.
Honakoa adierazi dute: «Agindu honek gatazkaren erresoluzioaren kontra egiten du, eta arlo sinbolikora eraman nahi dute erresoluzio falta hori, deseroso daudelako. Espainiako banderak ez du inoiz herri hau ordezkatu; ez lehen eta ez orain. Zigor mehatxupean jarriko den sinboloa da, gure herriaren borondatearekiko errespetu falta bat».
«Espainiako bandera zigor mehatxupean jarriko da udaletxean»
Hernaniko EH Bilduk Ikurriñaren aldeko festara dei egin diete hernaniarrei, bihar, 20:00etan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!