«Herrialdeko hitzarmena da tresna bakarra sektore osoaren eskubideak ziurtatzeko»

Bigarren greba eguna izan zuten atzo Gipuzkoako me­tal­gintzako langileek, LAB, CCOO eta UGT sindikatuek deituta. Deialdi horrekin bat eginez, manifestazioa eta kon­tzentrazioa egin zituzten Her­na­nin. Azaldu zuten pa­tro­na­laren urduritasuna na­ba­ri dela, «grebako datuak desi­txu­ra­tzen eta gezurretan ari baita». Eta gaineratu zuten en­presa askotan paktu es­kain­tzak ari direla egiten, «inolako blindajerik ga­be». Ho­rren aurre­an, argi utzi zuten he­rrial­deko hitzarmena dela tres­­­na bakarra sektore osoaren eskubideak ziurtatzeko etorkizunean. «Ezin dugu galtzen utzi! Ade­giri ozen esan behar diogu gu­re eskubideen alde borrokatzeko prest gaudela, gure eskubideak defendatuko ditugula eta etorkizun duin bat izan nahi dugula!». Bihar, hirugarren eta azken greba eguna deitu dute sindikatuok eta manifestazioa izango da Bulebarretik, 11:30etan. ELAk bere aldetik, 5 eguneko greba deialdia egina du eta gaur eta bihar ere greba deitu dute.