Hernani Sutan taldeak puntako boxeo jaialdia antolatu du aurten ere. Larunbatean izango da, 19:00etan Kiroldegian, eta 8 borrokaldi izango dira. Horien artean, Euskal Herriko Txapelketa jokatuko dute neskek: Ana Isabel Sordo bizkaitarra eta Itziar Lorea nafarra aurrez aurre izango dira.
Iban Estebez, borrokaldian
Mutiletan, boxe profesionalarekin gozatzeko aukera izango da. Iban Estebez urnietarra eta Gonzalo Vitoria Bilbotarra neurtuko dira. Estebez, borrokaldi polita egin eta ikuskizun ederra eskaintzeko asmoz da, «preso eta iheslariei eskaintzeko».
Beñat Amenabar kirol zinegotzia aurkezpenean izan zen atzo eta azpimarratu zuen Udalak modu positiboan baloratzen duela jaialdi hau: «kirol aniztasuna bultzatzen dugu eta jaialdi honek kirol desberdinaz gozatzeko aukera eskaintzen du. Horrez gain, azpimarratzekoa da emakumeen parte hartzea».
Sarrerak salgai
Sarrerak salgai daude 15 euroan, Atxur eta Tripontzin. Egunean bertan ere izango da erosteko aukera.