San Joanetan parranda ederra egin eta behar bezala gosaltzeko aukera izango da aurten txosnetan. Izan ere, Dobera Euskara Elkarteak eta Hernaniko Kronikak aukera jarriko dute, gosariak emango baitituzte goizeko 05:00etatik 10:00etara. AEK euskaltegiaren txosnan izango da hori, elkarlanean ariko baitira aurten.
Multikopista berriak,
9.000 euro
Kronika inprimitzeko makina berria behar du Hernaniko Kronikak eta multikopista horrek 9.000 euro balio ditu. Makina zaharrak dagoeneko 9 miloi kopia eginak ditu eta erreleboa behar du, orain arte bezala, Kronika egunero kalean izan dadin.
Pintxo gaziak, gozoa...
Dobera-Kronikako txosnan gosaltzeko jaki desberdinak izango dira aukeran. Pintxo gaziak izango dira: patata tortila, txorixo pintxoak... Eta baita gozoa ere: napolitanak, bizkotxoak, san blasak, tostadak mermeladarekin... Horiei bultzatzeko sagardo, garagardo, kafesne eta txokolate berorik ere ez da faltako.
Laguntzeko deialdia
Txosnako turnoak egiteko jendea behar da eta baita gosaritarako jakiak egiteko ere: bizkotxoak, madalenak, tartak... Laguntza eman nahi dutenek harremanetan jarri behar dute asteartea baino lehen: 943 33 27 99 edo dobera@dobera.com.