Korrika herrian barrena, San Joanak sasoian hasteko

San Joanak sasoi betean hasteko, Axeri Bila lasterketa herrikoia antolatu du CD Hernanik aurten ere. Gaur izango da eta haur, gazte eta helduek izango dute aukera parte hartzeko. Lasterketa nagusia 18:30etan hasiko da eta herriari bi buelta eman beharko dizkiote (4,5 km-ko bi buelta). Aurretik, 17:30 eta 18:30ak artean, haur eta gaz­tetxoen txanda izango da. Kiroldegian dutxatzeko aukera izango da.

Dortsalak, aurretik
Irteera eta helmuga Urbieta kalean izango dira; eta dor­tsalak ere, bertan jaso behar dira, 16:00etatik 18:15etara. Horrez gain, izena eman nahi duenak gaur izango du aukera 15 euroren truke.

Sariak, zozketak...
Maila bakoitzeko aurreneko hiruk izango dute saria. Ho­rrez gain, partehartzaile ba­koi­tzari kamixeta bana eman­go diete eta zozketak ere izan­go dira: Hernani Bi­daia­kek ja­rri­tako saria, eta otor­du­ak Fa­go­llagan, Errio­guardan, Zu­mi­tzan, Zu­mar­din, Arro­bin, Gunean eta itu­rrin.