Preludioa eta Axeri Bila, asteburuko ekitaldi nagusiak, San Joan usaian

san Joan aurrea zeharo mugitua dator aurten, eta Preludioak eta Axeri Bilak markatzen dute ekitaldiz be­tetako asteburua.

Preludioa, iazko kantuekin
Preludio Txi­kia ostiralean da, 19:00­etan, eta Preludio Na­gu­sia larunbatean, 22:30­etan. Iaz suspenditu egin zen eguraldiagatik, eta aurten iazko programa bera dago aurreikusia, kantaren bat gorabehera. Bi­txi­keria izango da, Zipri Otxan­dorenak erre­leboa pasako diola Ro­berto Pache­cori, Mu­­­sika Ban­dako zuzendari la­netan. Bi zuzendariak eta au­rrekoa, Manolo Sagar­na, hi­ru­rek presentzia izango dute San Joanetako Preludio Nagusian.

Axeri Bila, adin guztientzat
Beroa espero da Axeri Bila egunerako. Larunbatean da lasterketa herrikoia, eta 9 km izango dira. Egunean bertan izena eman liteke, 15 euroan, 16:00etatik 18:15etara. Ume eta gazteak 17:30etan aterako dira, eta helduak 18:30etan. Kronikak argazkia aterako die partehartzaileei, 18:00­etan, Atarrabiyo parkean.

Arrauna, waterpoloa, bola erremontea, eta gimnasia
Kirolak sekulako garrantzia du San Joanetako aurreko egunetan. Ostiralean frontoi motzeko erremonte txapelketako partidak jokatuko dira kiroldegiko frontoian, 22:00etan. Larunbatean Bate­len Estropada jokatuko dute Elorrabin, 11:30etan. Water­po­loan San Joan Saria dute, 14:00etan kiroldegian. Bola­riak San Joanetako lehenengo tiraldia dute Ereñotzun, 17:00etan. Igandean, Gim­na­sia erritmiko erakustaldia dute, 10:00etan, kiroldegian.

Txantxangorrik antolatuta, hiru tiraldi, eta txakurren txapelketa Txantxangorrik lau ekitaldi antolatu ditu astebururako. Karabina Tiraldiko lehenengo kanporaketa larunbatean da, 17:00etatik aurrera, haurren­tzat. Larunbatean, baita ere, Plater Tiroan San Joan Saria dute Honda­rribian, Gi­puz­koako eta el­karteko kideen­tzat, 11:00etan hasi eta 18:00­etan itxiko da inskripzioa. Igandean, 09:00etan, Gipuz­koa­ko Erakus-txakurren Txa­pelketa, Xoxokan; eta 10:00­etan, Usokume Tiroa, Urnie­tako Millus baserriko zelaietan (hilerri inguruan).

Konpartsako bilera, bihar San Joan Konpartsako kideek dendariei deialdi berezia egin diete, biharko bilerara joateko, 19:00etan, Biterin.