Eskubaloi festak ondorena izango du datorren urtean

eskubaloia berreskuratu nahi dute Hernanin eta atzoko festak erakutsi zuen, gogoa eta zaleak, ez direla falta. Her­na­niko beteranoen partidua an­tolatu zuten, grina pizteko asmoz, eta herritarrek eran­tzun egin zuten. Ehundik gora her­naniar gerturatu ziren Ki­rol­de­giko pista nagusira lagun eta se­nideak animatu eta ba­besa ematera. Goi mailako joka­larien babesa ere izan zu­ten, Bi­dasoa, Irun eta Erren­teria tal­dekoak esaterako; beterano eta hauen artean, 30 jokalari in­guruk jokatu zuten. 37-26 izan zen azken emaitza, urdinen alde; baino atzoko benetako irabazlea, eskubaloia izan zen. Jarritako helburu bat bete dute, datorren ikasturtean, txikienak, eskola kirolean, eskubaloian aritzea. Orain, taldea sortzea da erronka. Eskubaloian aritu nahi duten guztiek izena eman dezakete kiroldegiko bulegoetan.