ikasturte osoan ikasitakoa praktikan jarri eta jendaurrean erakusteko garaia iritsi zaie Musika Eskolako ikasleei. Gaur hasi eta ekainaren 20ra bitartean zortzi kontzertu eskainiko dituzte: abesbatzak, tronpeta, saxofoia, pianoa, akordeoia, txeloa...
Abesbatzako bi talde, gaur
Gaurko kontzertua izango da kurtso bukaerako ziklo honetako aurrenekoa. Musika Eskolako abesbatzak eskainiko du, bi taldetan banatuta. Aurreneko abesbatzak zortzi abesti eskainiko ditu eta bigarrenak bederatzi. Eta kontzertuari ginda jartzeko, bi abesti kantatuko dituzte bukaeran, elkarrekin. Kontzertua Milagrosan izango da, 19:30etan hasita.
Lau kontzertu, astebetean
Gaurkoa hasiera besterik ez da izango. Datorren astelehenetik ostegunera lau kontzertu izango dira, bat eguneko, Sandiusterrin, 18:30etan. Astelehenean tronpeta, saxofoi jole eta ikasleen bandak joko dute. Asteartean, Euskal Herriko soinu tresnen hotsak zabalduko dira Sandiusterriko aretoan; hala nola, alboka, dultzaina, trikitixa, txalaparta eta txistua. Perkusioa izango da nagusi, asteazkenean: gitarra, joera ezberdinak eta perkusioa bera izango baitira, instrumentu nagusiak.
Azken hiru kontzertuak,
ekainaren 17tik 20ra
Zikloak ekainaren 17an, 18an eta 20an izango du jarraipena. Kantari, Musika Eskolako txikienen txanda izango da aurreneko egun honetan; haur abesbatzarena, alegia. Eta asteartean piano joleek eskainiko dute ondo prestatuko errezitala. Bi kontzertu hauek ere Sandiusterrin izango dira, 18:30etan. Eta ikasturteari bukaera emateko, biolin eta txelo kontzertua antolatu dituzte ekainaren 20an. Azken kontzertu hau Milagrosan izango da, 17:30etan.
Gaurko egitaraua
1go abesbatza
Hotaru koi
Euskal doinuak
Vois sur ton chemin
Bonse Aba
Hine ma tov
Andre Madalen
Shalom to You, My friend
`Dakapo´ abesbatza
Hotaru koi
Jubilete Deo
Piano man
Izar ederra
Good news
Segalariak
Tximeletak
Malakatumba
Ken, ken, ken, akerra
Bi abesbatzak elkarrekin
This little light of mine
Haizea